![[̲̅M̲̅].[̲̅R̲̅]. .[̲̅M̲̅].[̲̅O̲̅].[̲̅N̲̅].[̲̅S̲̅].[̲̅H̲̅].[̲̅E̲̅].[̲̅D̲̅].](http://4.bp.blogspot.com/_0oWxfxQ1EJo/SXJC-VMaYhI/AAAAAAAAAOA/Rf93ry4USa0/S1600-R/gaza.bmp)
سيدى الرئيس لتانى مرة بقولهالك عشتنا مرة
سيدى الرئيس مفيش مسرة
بنزين وعيش وهلم جرة
سيدى الرئيس لتانى مرة
بقولهالك عشتنا مرة
سيدى الرئيس اسمع كلامي
ولو سمحت حس بألامي
جوه بلدنا بنحتاج محامي
وحقى ضايع وممنوع كلامي
سيدى الرئيس لتانى مرة
بقولهالك عشتنا مرة
سيدي الرئيس هو انت فاهم
ان بلدنا فيها فقر دايم
وخيرها فى سويسرا مساهم
وياخوفى لتكون ياسيدى واهم
اننا لكلا م سيادتك مصدقيين
او اننا عن حكمكم راضيين
او اننا من ظلمكم مش مخنوقيين
سيدى الرئيس لتانى مرة
بقولهالك عشتنا مرة
سيدى الرئيس الحق تاه
مش مصربردك فيها قناة
وغاز طبيعى وزيت ومياه
والشعب دايخ فين يلقاه
ومفيش ياريس فلوس وياه
سيدى الرئيس لتانى مرة
بقولهالك عشتنا مرة
سيدى الرئيس لو لينا خاطر
عيشين ياريس بين المخاطر
اكل مسرطن وزيت مقاطر
والناس فقيرة وهموم كتييرة
واللى بيسرق هو اللى شاطر
سيدى الرئيس لتانى مرة
بقولهالك عشتنا مرة
سيدى الرئيس الحق ضايع
وعلى القهاوي شبابنا صايع
والكل شايف والكل سامع
سيدى الرئيس لتانى مرة
بقولهالك عشتنا مرة
15 اللى شرفونى:
السلام عليكم
ايه ده مش معقول اول تعليق
لالالا انا مش مصدقة
ازيك اخبارك ايه؟
بجد البوست فوق الرائع
تسلم ايدك
تحياتى
احنا خدنا المدونه لحساب العيله
جوجو الاول وبعدين انا هههههههه
بجد قصيده جميله بتعبر عن حالنا فعلا بس مين يسمع ويفهم ويحس
ياااااارب سترك وعفوك ورحمتك
تحياتى وتقديرى
لالالالالالالالالالالالا مش مصدق العيله هنا منورنا يا مرحبا جزيتم خيرا
جميله بجد
عاشنا مرة
قول عشرتاشر مرة
هنقول ايه ولا ايه
ده تقليب مواجع بجد يا مستر
عموما ربنا يهدى
اللهم اهد قومنا فانهم لا يعلمون
واجعل فى قصة فرعون ايه وعبرة لهم
اللهم امين
تحياتى
"وعلى القهاوي شبابنا صايع"
جمله جميله أوى ههههههههههههههههههه
معلش مش قادره ههههههههه بتضحك
"شر البليه مايضحك.......
جوزيت خير لهذا البوست .........
ويالا يالا بقى علشان عايزه حضرتك تحل
التاج بتاعى ومش تقول بعدين هه
ماشى يالا...."سندس"
يااااااااااااه
والله القصيدة مؤثرة جدا
تسلم ايدك
بس
ولا حياة لمن تنادى
ياما قلنا وياما عيدنا
ولكن
اين الاجابة؟؟؟؟؟؟
فعلا ربنا يستر
السلام عليكم ورحمه الله وبركاته
-------------------------------
كلمات رائعه
ومعنى يثقل قلوبنا الم وهم
ولكن هيهات هيهات فهل لكلماتنا صدى
بوست رائع اخى تسلم
----------------------------------
بسم الله
اولا مدونتك جميله والاستايل جميل بجد
ثانيا ماشاء الله ع الموهبه
كلماتك حلوة والقافيه جميله
دمت مبدع ومتالق
سلام
السلام عليكم
no comment
تحياتي
د/سلمي
في البدايه سلام عليكم
قصيدتك فعلا جميله وبتعبر عن الحال اللي احنا عايشينه
واتمي لك مستقبل طيب في الشعر وفي التدوين واتمي لك كمان انك تحقق كل احلامك
يلا سلام
عندى تاج لحضرتك ياريت تشرفنى وتبقى تيجى تستلمة
السلام عليكم
ما شاء الله كلمات مؤلمه ربنا يعزك
لا لاماشاء الله كلامك كتيير حلو
مرررره صحيح وكلامك معبر جدا
ربنا يجعلك سبب فى هدايه الناس
اللهم اميييييين
وتقبل مرورى
وده اول تعليق عند جحضرتك وان شاء الله مش هايكون اخر تعليق
إرسال تعليق