من حق الدكتور يسري الجمل وزير التربية والتسميم "التعليم سابفا" أن يقول لزميله الدكتور هاني هلال وزير التسميم
العالي أيضا "التعليم العالي سابقا"بالفم المليان"لا تعايرني ولا اعيرك ده الهم طايلني وطايلك"
فالاثنان أصبحا في خندق واحد وهو تسمم الطلاب والتلاميذ في المدارس والجامعات.. لكن عايزين الحق إن
الاثنين اشتركا في رد الفعل والمواجهة وبنفس الاسلوب اللي هو التنفيض "الطناش سابقا" زي مايكون مافييش حاجه حصلت!!!
فالمشكلة الكبيرة ليهم هما الاثنين اللي حصل السنة الماضية تسمم طلاب وتلاميذ المدارس والجامعات ولو حد كان متابع
الموضوع السنه اللي فاتت في "جريدة الدستور" تسمم عدد كبير في محافظات مصر وكان ابرزهم الاسكندرية والبحيرة
وبني سويف والشرقيه وغيرها من المحافظات بالالبان والبسكويت والبيض.
وبرده كان السنه اللي فاتت لو حد يفتكر "250 "طالب وطالبة في جامعة المنوفية دخلوا في طابور التسميم في المدن الجامعية والامثله كثيره جدا ولكن لسنا بصدد سرد جميع الحالات والمحافظات
انا مش عارف ايه المشكلة لو تم توفير الــ"500" مليون جنيه المرصودة للتغذيه اقصد للتسميم والزبالة
ده البسكويت او الفطير اللي بيتم توزيعه علي الطلاب لو تذوقه السيد الوزير مرة اثق تماما في قراره الصادر بعدها
مش كفاية العقول خربوها كمان البطون سمموها .. الغريب ان الوزيرين بيتعاملوا مع المشكلة زي مكان مابيحصل في السنوات الماضية "أن ماحدث ماهو الإ إيحاء"
علي فكرة كان شكل الوزير "الجمل" في التخته مع التلاميذ في إحدي المدارس يوم الإضراب مدهش للغاية والكاميرا
بتلتقط له صور وهو يتصفح كتابا أثناء شرح المدرس علشان يثبت ان كل شي علي مايرام وزي الفل
لماذا لا يثبت الوزير أن كل شئ علي مايرام يوم ماحصل موضوع التسمم ويتم التقاط صور له وهو يتناول نفس
الوجبات التي تناولها التلاميذ ..؟؟؟
27 اللى شرفونى:
السلام عليكم ورحمة الله وبركاته
أخى الفاضل
لا املك الا ان اقول
حسبنا الله ونعم الوكيل
رحمنا الله من هؤلاء الذين يحكمون ويفسدون
ورزقنا حكاما مصلحين
........
تسعدنا زيارتكم للمدونة
سلامى ليك
والله عندك حق
عليه العوض
بس الاهم من التسمم الغذائى هو التسمم العقلى والفكرى الذى ابتلينا به فى كلياتنا
والله المعين
تقبل مرورى
بسام
كله تمام وكله زي الفل
واي حاجه بتحصل هي حوادث فرديه او ناس وحشين عايزين يطلعوا الحكومه وحشه
والله بجد مش عارفه اقول ايه
السلام عليكم
فعلا حسبى الله ونعمى الوكيل
مفيش حد اليومين دول عنده ضمير اصلا
اهم حاجة عندهم الظاهر قدام الناس
تحياتى
السلام عليكم و رحمه الله و بركاته
اهي دي بقه اوحش حاجه في المصريين زناننين كده و مش مؤمنين بالقضاء و القدر اه يعني الاكل مسمم او حوالي 30 او 40 واحد ماتوا ماهي الاعمار بيد الله بصراحه ليهم حق بزهقوا مننا ربنا يصبرهم علينا
ربنا ينتقم من الظلمة ويهدي كل المسلمين ويهدي حكومتنا الراشده حكومة الحرق والتسميم
--------------------------
بوست أكثر من رائع .
الأخ الفاضل..
الواضح ان مش الوزيرين دول بس اللي هيقولوا لبعض (( لا تعايرني ولا أعايرك )) ..
الوزراء كلهم المفروض يقولوا كده..
كل واحد فيهم له مصائبه..
حسبي الله ونعم الوكيل
جزاكـــم الله خيرا
أختكم ::: Dr.Habeba
ان شاء الله مسيره يدوق زيهم
أصل لسه فى وزرا تانين بتوع تسميم برده
وياعالم هيدوقها فى ايه فى اللحمه الفاسده ولا ايه بالظبط
ربنا يهديهم
جزاكم الله خيرا
يبني البلد دي ماشيه بدعا الوالدين
حسبي الله ونعم الوكيل بجد
ليه كدة بس دخلت فى السياسة جامد قوى كدة
وبالنسبة لموضوع تسميم الطلبة فدا شئ عادى بالنسبة للحكومة انها مش عاملة مراقبة جيدة على الاكل اللى بيوصل للطلبة
والناس اللى بتوصل الاكل دا معندهاش ضمير
وارواح المصرين اصلا مش غالية عند الحكومة
عادى اتعودنا ان دا بقى الطبيعى فى مصر
اخى فى الله منشد
ما علينا سوى ان نقول حسبنا الله ونعم الوكيل
عليه العوض ومنه العوض
بس صدقنى ده مش من شئ شوية
كان فى حديث عن الرسول-صلى الله عليه وسلم- فيما معناه ان هييجى وقت ينتشر فيه الفساد اوى -زى عصرنا كده-فربنا سبحانه هيولى على الناس فى الوقت ده رئيس ظالم وهيبتليهم بامراض غير معروفة حتى و....
فربنا يهدينا ونكون احسن مع ربنا عشان حالنا ينصلح
وتحياتى اليك
وتسلم
حسبنا الله ونعم الوكيل...
فساد فى كل مكان...
اللهم طهر بلادنا من الظالمين المفسدين وارزقنا حكاماً صالحين مصلحين.
السلام عليكم ورحمه الله وبركاته
-------------------------
هنقول ايه
حسنا الله ونعم الوكيل
الله المستعان عليهم
----------------------
السلام عليكم ورحة الله
يا استاذ منشد هما مش هيسيبونا الا لما نكون فى الترب
زى المثل الى بيقول يقتل القتيل ويمشى فى جنازتة
ودة بالظبط الى بحصل
ف اية
ربنا يستر
بوست جميل
تحياتى
ازيك يامنشد انا كنت فى العمرة ولسه راجعه
موضوعك موجع جدا يا منشد لانى للاسف اكتشفت ان المواطن المصرى ارخص مواطن وان حكومتنا كل همها تخلص مننا وبس
حسبى الله ونعم الوكيل
عشان يبقى انت اكيييد اكيييد فى مصر
وحدث ولا حرج على الفساد بقى
السلام عليكم
لم أستطع كتابة الجزء الالثاني من "ماذا تفعل لو كنت مكاني "
قبل أن اتأكد من أن كل الأراء اللتي تشرفني دائما ..و اللتي انتظرها ...قد قرأت الجزء الأول لتتابع معي الجزء التاني
و عندما لم أجد حضرتك ..قررت دعوتك لقرائته ..
أرجو قبول الدعوة و سماع تعليقك و غن كان نقدا
تحياتي
سلمي
بصراحه الوزير ده عاوز جركن بنزين وعود كبريت بلاش عود كبريت نخليها ولاعه وخلاص والباقي انتوا عارفينه
الوزير الللي طول عمره بيسمم فينا
الوزير اللي خلي الاميه احسن من العلم
الوزير اللي خلي الذهاب للمدارس مضيعه للوقت
قال وزير تعليم قال ده المفروض يبقي وزير نشر الاميه
أول مرة أزور مدونتك ولقد شدني صورة وزير التعليم العالي لاني أعرفه عن قرب ليس لاني قريبته ولكن لانى صحفية مسئولة عن التعليم العالي في جريدتي ، طبعا انا معاك ان كل وزير مسئول عن قطاعه ويجب ان يذوق مرارة الاكل الذي يقدم في المدن الجامعية ليدرك معاناة الطلبة ولكن الوزير حيعمل ايه ولا أيه انا اتذكر واقعة حقيقية تؤكد فساد النفوس للموظقين بالمدارس حيث يقومون بتخزين الوجبات وتقديمها للطلاب في حين يستفيد من الوجبة الطازجة لنفسه وهذا يتطلب الرقابة وحاجات كتير ، تقبل مرورى
السلام عليكم
هقول ايه بس
مش هقول غير حسبنا الله ونعم الوكيل
حسبى الله ونعم الوكيل لا أملك الا قوله
.....حضرتك ليك عندى تاج ياريت تروح
تحليه ....جوزيت على هذا البوست
الرائع "سندس"
هههههههههههههههههههههههههههههه
والهى يابنى يعنى هى جت عالمدارس ما كل حاجه خربانه
نفسى اشوف حاجه واحده عدله ف البلد دلاى ومش بفلوس كتير
حاجه حكوميه عدله يعنى
هههههههههههههههههههه
بوست جميل احييك يا منشد
السلام عليكم
على فكرة انا زعلانة علشان حضرتك اخدت الجيتار بتاعى
بس معلش المسامح كريم
وانا مسامحة جدا
هههههههههههه
كل سنة وانتة طيب
البوست حمض هات غيرة
لالالا مش تزعل اقصد هات الجديد
دمت بود
تحياتى
ربنا يصلح بلدنا
و يزول عنا الهم الذى وضعنا فيه هؤلاء المنتفعين
د.حماس
عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل
السلام عليكم ازيك يا احمد ده مدونتى الجديدة
كيف حالك يا احمد,,,يارب تكون بخير...
جزاك الله كل خير ,,علي القضايا الهامه اللي تناولتها في هذه المدونه الرائعه,,
وحسبنا الله ونعم الوكيل في كل ظالم .
اسعد الله ايامك بكل خير...
ندي==beauty
إرسال تعليق