![[̲̅M̲̅].[̲̅R̲̅]. .[̲̅M̲̅].[̲̅O̲̅].[̲̅N̲̅].[̲̅S̲̅].[̲̅H̲̅].[̲̅E̲̅].[̲̅D̲̅].](http://4.bp.blogspot.com/_0oWxfxQ1EJo/SXJC-VMaYhI/AAAAAAAAAOA/Rf93ry4USa0/S1600-R/gaza.bmp)
الاجازة دي طبعا مش زي غيرها ...دي مرحلة تانيه في حياتي ..
طب اليوم عندك ماشي إزاى ياعم الحج ؟؟
كل يوم بنام على الفجر ده في حالة لما أنام بدري ممكن تضرب معايا لحد 6 و7 و8ميضرش ..والله المستعان
وبعدين؟؟
بنام بقة وأوم ع العصر وطبيعي ان الظهر فاتنى ..بس والله بكون زعلان .. بس أعمل ايه مش قاااادر أقوم .. بس تعرفوا احيانا بيلحق الظهر قبل العصر بدقيقة او 2؟!!
بعد كدة بيبدأ يومى الى هو المفروض اصلا انه انتهى .. وبتغدى .. وطبيعي مفيش فطار ..
وبعد كدة بقة ممكن اريح شوية كدة ع السرير مع الحلويات والحاجة الساقعة والفاكهة والذي منه ..
بعد كدة بصراحة بطنش ماما في طلبتها أحيانا .. بس عمل الأكل بقة عمرى ما حاولت أصلا لانى بكون في ساابااااااابع نومة ..
بعد كدة بقة أستلم جهاز الكمبيوتر ..اشوفلى كام جيم .. على فيلم كوميدي ..وشوية شات مفيش مانع ..اهوه بكون علاقات ما انا واحد مهم ..
بعد كدة بقة ... أصاحبي هارينى اتصالات فبنزل معاهم .. ارجع بقة على 3 بحاول ارجع بدري اهوه علشان اكمل سهرتى على الجهاز ..
بعد طبعا ما بكون ضربت كام سندوتش برة على 2 ساقع
بعدها بصلي الفجر طبعا .. معقول اسمعه وماصليش .. بس بصراحة ساعات بصليه تحت في المسجد وساعات فوق وساعات في النص!
بعدها بصلي الفجر طبعا .. معقول اسمعه وماصليش .. بس بصراحة ساعات بصليه تحت في المسجد وساعات فوق وساعات في النص!
المهم بنام لما اصلي وتتكرر الكارة من الأول ...
إيه رأيك في اليوم بتاعى جامد صح؟؟
طب اسكت بقة .. وقولى هنا انت عاجبك
بصراحة لا .. بس اعمل ايه يعني
طب استفدت حاجة في نهاية الاجازة ..
توء توء
ده طبعا حال ثلاثة ارباع الشباب والبنات .. ده لو ماكنش كلهم..
