مافيش اسهل من كده

مافيش اسهل من كده!!!
**********

السؤال الأول:

التعبير

اكتب ما لايقل عن 650 سطر فى أحد الموضوعات التالية

أ-

شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة: أنا باشتغل فى حديد عز

ب-

لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

ج-

بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط.. الورق متراقب

*******

السؤال الثانى:

القصة

أ-

من قصة: وعهد الله ما انت داخل الانتخابات.. اقرأ القطعة وأجب عن الآتى ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ ده انت عايز معجزة.. مش كفاية بتاكلوا لحمة ومستورين.. عايزين إيه تاني؟
ما هى اللحمة؟ أو على الأقل حدد أقرب معنى خيالى لها
مرادف معجزة فى اللغة:-
تغيير وزارى – زيادة المرتبات – رغيف العيش.. اختر يامقلول البخت

ب-

لماذ ضربه الرجل بالجزمة وليس بالعصى مثلا؟؟أهو كسل .. لسة هيرفع العصاية؟.. عشان العصاية قلة قيمة برضه واحنا فى عصر الديمقراطية.. عشان العصاية شغالة مع واحد تانى.. افهم انت بقى واختار

ج-

حلل بمزيد من التفصيل جملة: ضربه بالجزمة ومدى توافقها مع جملة: مصر بتتقدم بينا

*******
السؤال الثالث:

القراءة

من موضوع: الزعيم.. والفنان.. والقدوة.. اقرأ القطعة وأجبنفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا.. الخبر حقيقي.. كما أنه يرحب بالتوريث ومقتنع بكل سياسات الحكومة
ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟

*******

السؤال الرابع:

النصوص

أجب عن أحد النصين الآتيين
أ-

من نص: ماشربتش من نيلها.. اقرأ ثم أجبماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكيلهابعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..

اختر.. ما المقصود بنيلها فى النص؟

المسيسبى - الأمازون – يونج يانج

هذا النص من نصوص الحزب الوطنى والدليل وجود اسم مهم من قيادات الحزب فى النص.. استخرج الاسم.. وبوسه من بُقـُّه ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبب بعده عن الواقع.. وضّح من النص ما يتفق مع القول المأثور اطبخى ياجارية.. كلف ياسيدى

ب-

من نص: حين ميسرة.. أجب عن الآتى

اذكر اسم مصيبة واحدة محصلتش فى النص الأسود ده

وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.. كمبيوتر إرهابى بقى
سبب وجود الشرطة كل خمس دقائق فى النص؟

************ ****

السؤال الخامس:

النحو
أ-

أعرب ما تحته خط.. لو مالقيتش القطعة أصلا.. اتصرف
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا يامواطن

ب-

كان ممدوح إسماعيل قاتلا.. ضع إن مكان كان.. على ألا تنصب ممدوح.. عشان هوه بينصب لوحده
ج-

فُرِضت الضرائب علينا ببشاعةأعرب الجملة.. وارفع الضرائب أبوس إيدك

*******
السؤال السادس:

الخط
كوز المحبة انخرم.. طرطش على كمى.. ياحبيبى بطل جفا وارحم عذاب امي
اكتب الجملة السابقة ثلاث مرات بثلاث خطوط.. موبينيل وفودافون واتصالات.. كما يمكن التحويل من خط لخط بنفس الرقم.. فقط اتصل بخدمة العملاء

*******

محمد في قلوبنا

طبعا بدايه احنا عارفين ان اي شئ لم يفعله الرسول

يكون بدعه وكل بدعه ضلاله وكل ضلاله تودي بصاحبها للنار

فحكايه الاحتفال بعيد مولد النبي عليه افضل الصلاه والسلام بدعة

ناس هتقول طب ليه ده احنا كده بنفتكر الرسول عليه افضل صلاه وازكى سلام وبنحتفل من فرحتنا باليوم اللي اتولد فيه

هنقول جميل بس الرسول نفسه لم يكن يحتفل بهذا اليوم بالعكس كان بيصوم فيه علشان محدش من الصحابه يظن انه سيوسع على اهل بيته في هذا اليوم

وقال رسولنا الكريم "لا تطروني كما ططرت اليهود رسولهم" اي متعظمونيش لدرجه العباده كما فعل بني يهود وكذلك قال الرسول صلى الله عليه وسلم انما انا عبد الله الفقير اليه

كما ان الصحابه الكرام والخلفاء الراشدون لم يحتفلوا بهذا اليوم واحد اكيد هيسأل ويقول امل احنا جبنا التأليفه ديه منين

هنرد ونقول اللي عمل كده هوه المعز لدين الله الفاطمي الله يسمحه بقى

لما فتح مصر كان الشعب المصري خائف من هذا الفتح وهذا الرجل وكان المعز يعلم مدى حب المصريين للرسول ولاهل بيته ففكر انه يعمل شئ يقرب منه الشعب فاخترع حكايه الحلويات اللي تتوزع وتتعمل مخصوص في هذا اليوم وتجمعات الذكر والصلاه على الرسول وطبعا كل ده بدعه وضلاله

لان المسلمين ملهمش غير عيدين اتنين بس وطبعا كلنا عارفينهم

وفيهم الفقير والغني بيفرحواالغني بيفرح بالفسحه والخروجه والدبيحه والفقير بيفرح بالزكاه او اللحمه اللي بياخدها وبفرحه اليوم نفسه

لكن حد يقدر يقولي بقى في يوم المولد النبوي هل الفقير هيفرح زينا؟

ولاهيحقد على الغني اللي يقدر يشتري علبه الحلويات الفاخره وهو واقف يتفرج عليه

تاني حاجه في للاسف مظاهر غريبه بتحصل عند مقامات الناس الصالحين كما في الحسين والسيدة زينب

وغيرهم بتلاقي الناس عماله تطبل وتتغنى بالصلاه والسلام على الرسول وتغني وهيه بتقرا القران هل هذا مظهر اسلامي؟

الغرب يقولوا عنا هذاكان الرسول عليه افضل صلاه وازكى سلام كان يقول اذا ذكر القران توجل القلوب وتبكي من خشيه الله احنا ازاي نقلبها غنى لا وايه كمان بالطبله والدف ناهيك عن الاختلاط بين الرجال والنساء في وسط هذا الزحام

طبعا هنقول امال نعمل ايه في اليوم ده هنقرا في سيره الرسول الكريم وهنجمع الاطفال في البيت ليهم قصه رسولنا الكريم وازاي واجه صعوبات في نشر الدعوه ويوم ميلاده

الاسلام غيرني كتير "بصوتي"

يلا مش حرمكوا من حاجة

وزي ماطلب مني ناس كتير غالين عليه اوي انى انزل اي انشودة ليه

دي بقي ان شاء الله هتكون اول حاجه ليا والباقي تباعاً

واحدة واحدة ماتستعجلوش علي رزقكوا

وحلقاتي علي قناة "الحافظ" كتير

اسبكوا بقي مع اول حلقة

وتقولولي رايكوا في الاخر

هتقضيها كده..

الاجازة دي طبعا مش زي غيرها ...دي مرحلة تانيه في حياتي ..

طب اليوم عندك ماشي إزاى ياعم الحج ؟؟

كل يوم بنام على الفجر ده في حالة لما أنام بدري ممكن تضرب معايا لحد 6 و7 و8ميضرش ..والله المستعان

وبعدين؟؟

بنام بقة وأوم ع العصر وطبيعي ان الظهر فاتنى ..بس والله بكون زعلان .. بس أعمل ايه مش قاااادر أقوم .. بس تعرفوا احيانا بيلحق الظهر قبل العصر بدقيقة او 2؟!!

بعد كدة بيبدأ يومى الى هو المفروض اصلا انه انتهى .. وبتغدى .. وطبيعي مفيش فطار ..

وبعد كدة بقة ممكن اريح شوية كدة ع السرير مع الحلويات والحاجة الساقعة والفاكهة والذي منه ..

بعد كدة بصراحة بطنش ماما في طلبتها أحيانا .. بس عمل الأكل بقة عمرى ما حاولت أصلا لانى بكون في ساابااااااابع نومة ..

بعد كدة بقة أستلم جهاز الكمبيوتر ..اشوفلى كام جيم .. على فيلم كوميدي ..وشوية شات مفيش مانع ..اهوه بكون علاقات ما انا واحد مهم ..
بعد كدة بقة ... أصاحبي هارينى اتصالات فبنزل معاهم .. ارجع بقة على 3 بحاول ارجع بدري اهوه علشان اكمل سهرتى على الجهاز ..

بعد طبعا ما بكون ضربت كام سندوتش برة على 2 ساقع

بعدها بصلي الفجر طبعا .. معقول اسمعه وماصليش .. بس بصراحة ساعات بصليه تحت في المسجد وساعات فوق وساعات في النص!

المهم بنام لما اصلي وتتكرر الكارة من الأول ...

إيه رأيك في اليوم بتاعى جامد صح؟؟

طب اسكت بقة .. وقولى هنا انت عاجبك

بصراحة لا .. بس اعمل ايه يعني

طب استفدت حاجة في نهاية الاجازة ..

توء توء

ده طبعا حال ثلاثة ارباع الشباب والبنات .. ده لو ماكنش كلهم..

فلسطين نادت فلبوا النداوهبوا اسودا وكونوا الفدا

ففى ارضها قد تمادى العدا

وحل الظلام محل الهدا

فلسطين نادت ........ فلبوا الندا

يقول الله تبارك وتعالى "" إن الله اشترى من المؤمنين أنفسهم و أموالهم بأن لهم الجنة يقاتلون في سبيل الله فيقتلون ويقتلون وعداً عليه حقاً في التوراة والإنجيل والقرآن ومن أوفى بعهده من الله فاستبشروا ببيعكم الذين بايعتم به وذلك هو الفوز العظيم "

إخوانى وأخواتى فى الله .

لا يخفى على أحد منّا أحداث تجرى فى فلسطين الحبيبة وتحديدا "غزة" المرابطة .

ففلسطين أرض الرباط ومسرى رسول الله .

حقا لكِ الله فلسطين .

امتى فى يوم صحينا مالقيناش مآسى ومجازر ودماء فى فلسطين .

فلسطين دى أرض الإسلام يا جماعة .

وطننا كمسلمين هو كل شبر فى العالم عليه واحد مسلم .

عايزين نعمل حاجة لديننا ولإسلامنا .

بجد والله نفسى لما أقابل ربى يوم القيامة أقول له يارب قدمت كذا وكذا لمسرى حبيبك .

عندك إجابة للسؤال ده.....؟؟؟؟

عملت ايه لشلال الدم المتدفق يوميا فى فلسطين .

هتكتفى بأمنيتك ودعائك ان تكون دمائك مددا لهذا الشلال .

مش كفاية يا أخى ويا أختي .

طب هنعمل ايه غير كده ....؟؟؟

المهم تكون بجد عايز تعمل حاجه .

عايز تحس انك مجاهد بجد فى سبيل الله .

انت مش غيران من شباب ونســــــــــاء بل واطفال فلسطين المجاهدين .

مش نفسك ربنا يكتبك من المجاهدين .

مش نفسك تعيش لهدف كبير فى حياتك .

هنفضل طول عمرنا بنشتغل وناكل وننام ونلعب ونضحك ولما نفتكر فلسطين ندعى دعوتين وكأن شيئا لم يكن.

طب هم مسلمى فلسطين بيعملوا كده .

ماتقولش دى ارضهم .

دى أرضك يابنى .

انت يااااااااكل مسلم على وجه الأرض دى أرضك .

العدو قدر يقنعك ان بلدك ووطنك هى مصر بس أو .... أو .....

وبعد كده كل واحد مسئول عن أرضه .

لكن بجد دى ارضنا وده مسجدنا المسجد الأقصي .

وصدقونى هنسأل امام الله ماذا قدمنا لفلسطين الحبيبة وماذا قدمت لا اخوانك في "غزة".

ماذا قدمنا لإخواننا المحاصرين منذ تولى حماس الحكم فى فلسطين .

"يا أيها الذين آمنوا مالكم إذا قيل لكم انفروا فى سبيل الله اثّاقلتم إلى الأرض أرضيتم بالحياة الدنيا فما متاع الحياة الدنيا فى الآخرة إلا قليل"

"انفروا خفافاً وثقالاً وجاهدوا بأموالكم وأنفسكم فى سبيل الله ذلكم خير لكم ان كنتم تعلمون"

انفروا ياجماعه

بجد استشعروا معايا روح الجهاد دى .

واللى فى ايدنا دلوأتى جهاد بالمال ولا تهمله فمن لم يجاهد بماله أشك أن يجاهد بنفسه .

فأيهما أغلى نفسك أم مالك....؟؟؟

عارف انى طولت وعارف انك نفسك تعمل الكثير لفلسطين ولغزة الصمود ولمسرى حبيبك .

وكان هو دى هدفى انك تقول مستعد اعمل اى حاجه .

وساعتها ان شاء الله بصدق نيتك ربنا هيفتح الأبواب .

وبارادتك ستذلل الصعــــــــــــــــــاب.

فبوسعنا ان نفعل الكثيـــــــــــــــــــــــر .

اذا أردنـــــــــــــــــــــــــــــــــــــــا.

اترككم مع هذا الكليب الذي يعبر عن معاناة اهلنا في غزة واغنيه بعنوان

&&&&&&

"مش عارف اعمل حاجه" لـ "تامر حسني"

ماخلاص بقي يا عم الشيخ !!!

تلك الصورة التي تعلو هذا المقال تذكرنا بمشهد يتكرر كثيراً مع الأفلام
الدبلوماسية والسياسية التي تؤديها الحكومات العالمية مع بعضها
البعض، والتي تشير إلى "حالة عالمية مزمنة" من النفاق السياسي..

وهذا صار طبيعياً في عالم (السياسة) الذي لعنه محمد عبده منذ قرن.
.ولكن أن يتكرر هذا المشهد "السخيف" داخل مؤسسة دينية مثل
مؤسسة الأزهر الشريف، فهذا يحتاج إلى وقفة وتأمل في طبيعة
الدور الذي يقوم به شيخ الأزهر أو كما يطلقون عليه (شيخ الإسلام)،

والسؤال:

هل تحول دور هذا الإمام الأكبر إلى دور دبلوماسي،
وأصبحت تحيته وصور مقابلته أشبه بالمقابلات السياسية التي
تمارس من أجل خداع الرأي العام، أم أن دوره أصبح ما تصدق
عليه الحكومة.. ويقول هو وراءها "آمين".دور شيخ الأزهر

أصبح يثير العديد من علامات الاستفهام، بعدما تولى
الدكتور محمد سيد طنطاوي هذا المنصب عقب وفاة الإمام السابق جاد حق
، والذي عرف عنه أنه لا يخشي في الحق لومه لائم.ولكن
الشيخ طنطاوي جعل من كرسي الإفتاء ومن بعده كرسي
المشيخة محلاً للقيل والقال، فاليوم يطالب بتقديم قانون إلى
مجلس الأمن الدولي يطالب فيه بإصدار قانون يمنع ازدراء الأديان
وذلك بعد مقابلته لمسئولي الأمم المتحدة،

وهو نفسه الإمام
الذي خرج بالأمس القريب يطالب بمقاطعة مجلس الأمن
حتى تأخذ موقفا من الإساءة إلى الرسول!

وهو نفسه أيضا

الذي خرج بعد مقابلته لسفير الدنمارك بالقاهرة، ليؤكد أن
الرسول صلى الله عليه وسلم إمام المسلمين وخاتم الأنبياء
شخص ميت، ولا يجوز الإساءة إليه؛ لأنه لا يملك حق
الرد أو الدفاع عن نفسه، وكأننا أصبحنا خيال مآتة لا يملك
الحق أو القدرة للدفاع عن نبيه..

وهو نفس الإمام

الذي رفض خلال
جولته الأخيرة لحوار الأديان، عقب ما نشرته الصحف الدنمركية،
أن يتناول مسالة الإساءة إلى النبي مؤكداً حينها أن هذا الموضوع
غير مناسب تناوله آنذاك.بتلك التصريحات المتناقضة يخرج علينا
يوميا شيخ الأزهر بعصبيته المعهودة، وضيق صدره المعروف
لكل للمقربين منه، ليؤكد أن منصب شيخ الأزهر أصبح في
خدمة المواقف السياسية وليست الدعوية.وعندما سئل البعض عن سر
ذلك ذكروا بعضهم باستقباله للحاخام إسرائيل عقب توليه
هذا المنصب،

وهو نفسه الإمام

الذي مازال لم يحسم أمر
العديد من القضايا الإسلامية والفقهية والتي وضعها
أمامه مجمع البحوث الإسلامية منذ أكثر من عامين..

لقد خيروك لاامراٍ لو فطنت له مش لو بقي

يـــلا نحـــلم ســـــــوا

هل جربت أن تحــلم حلمــاً كبيراً؟

هل جربت أن تعيش هذا الحــلم؟

هل عشت حــلمك ثم اكتشفت متأخراً أن حـلمك تحول لكابوس مخيف؟

فأنت لتحلم, يجب أن تفرد جناحيك, وتحلق عالياً في السماء, ثم تمر على بلاد جديدة, ومخاطر عديدة..

تمر على بحر غامض, لو شعرت بالإجهاد وسقطت فيه فأسماك القرش الدموية ستنهش لحمك.

تمر على جبال شاهقة, بصخور مدببة تلمع تحت أشعة الشمس تتربص لتخترق جسدك لو سقطت فوقها.

تمر على أرض مليئة بوحوش لو اقتربت من الأرض ستهاجمك, فهي لا تفكر سوى في الغذاء.

ويحدث المحظور..
يضطرب جناحك.فتسقط في الماء..

يحدث المحظور..وتسقط على الصخور..

يحدث المحظور..وتهبط على الأرض.

ربما يكون السبب في أنك لم تفهم طبيعة حـلمك جيداً..ربما تكون اندفعت, وتهورت, فأصبح ما تريده هو أخشى ما تخشاه, وما تتمناه , هو ما تهرب منه.

وتقرر في يأس أنك لن تحـلم مرة أخرى.

يلا بجد نحـلم .

نحـلم صح.

يلا نحـلم سـوا.

احـلم معاياي.

اترككم مع مشاهدة هذا الكليب الرائع.

للمنشد حمزة نمرة.

واحلم معاياي.

بقولهالك عشتنا مرة

سيدى الرئيس لتانى مرة

بقولهالك عشتنا مرة

سيدى الرئيس مفيش مسرة

بنزين وعيش وهلم جرة

سيدى الرئيس لتانى مرة

بقولهالك عشتنا مرة

سيدى الرئيس اسمع كلامي

ولو سمحت حس بألامي

جوه بلدنا بنحتاج محامي

وحقى ضايع وممنوع كلامي

سيدى الرئيس لتانى مرة

بقولهالك عشتنا مرة

سيدي الرئيس هو انت فاهم

ان بلدنا فيها فقر دايم

وخيرها فى سويسرا مساهم

وياخوفى لتكون ياسيدى واهم

اننا لكلا م سيادتك مصدقيين

او اننا عن حكمكم راضيين

او اننا من ظلمكم مش مخنوقيين

سيدى الرئيس لتانى مرة

بقولهالك عشتنا مرة

سيدى الرئيس الحق تاه

مش مصربردك فيها قناة

وغاز طبيعى وزيت ومياه

والشعب دايخ فين يلقاه

ومفيش ياريس فلوس وياه

سيدى الرئيس لتانى مرة

بقولهالك عشتنا مرة

سيدى الرئيس لو لينا خاطر

عيشين ياريس بين المخاطر

اكل مسرطن وزيت مقاطر

والناس فقيرة وهموم كتييرة

واللى بيسرق هو اللى شاطر

سيدى الرئيس لتانى مرة

بقولهالك عشتنا مرة

سيدى الرئيس الحق ضايع

وعلى القهاوي شبابنا صايع

والكل شايف والكل سامع

سيدى الرئيس لتانى مرة

بقولهالك عشتنا مرة