ظاهرة خطيرة وسلوك سيئ

ظاهرة خطيرة وسلوك سيئ !!!

فقد الامتحان قيمته ولم يعد ذلك المعيار الصحيح والحقيقي لتقويم مستوى الطالب

بسبب تفشي ظاهرة الغش وتطور أساليبها

حتى أصبحنا اليوم نتحدث عن الغش الجماعي المنظم

.الكثير من الطلاب يقضون الأسبوع الأخير قبل الامتحان في الاستعداد لتهيئة

وسائل وأدوات الغش ويبتكرون أحسن الأساليب التي لا يمكن للمراقب ضبطها

ونذكر منها على الخصوص كتابة الدروس في أوراق وتصغيرها بواسطة آلات التصوير

لتأخذ مساحة أقل ويمكن إخفاؤها في أكمام القمصان أو بين طيات أوراق الإجابة

... وهناك أيضا الكتابة على الأيدي والأدرع وكذلك علي المقاعد

وبالإضافة إلى ما ذكرنا،نشير إلى الغش بواسطة الهاتف المحمول

وذلك عن طريق إخفائه في الملابس وتوصيله بسماعة وقت الحاجة وتحويل رنينه إلى طريقة الاهتزازحتى لا تسمع

وعبره يبعث الطالب لصديقه أو أحد أقاربه بالسؤال مكتوباويتلقى الجواب مسموعا أو كتابة حسب ظروف المراقبة

ومن الطلبة من يذهب إلى دورة المياه وقد يصاحبه أحد المراقبين حتى الباب وبالداخل

يقوم باتصال هاتفي أو يبحث عما يريد فيما يحمل معه من أدوات الغش

على كل حال أساليب الغش في الامتحان عديدة

وكل يوم يبتكر الطلبة الجديد في هذا المجال

لكن أخطر ما يتداول على الساحة التعليمية حاليا وأصبح حديث الخاص والعام هو ما يسمى بالغش الجماعي

وهو عبارة عن تواطؤبعض المسؤولين عن مركز الامتحان مع المراقبين الذين يتغاضون عن

عمليات الغش أو أحيانا يتعاونون مع الطلاب حتى وصل الأمر بالمدرس

المراقب أن يقوم بنقل ورقة الغش من طالب لأخر وقد يكون سبب ذلك

هو الرغبة في الحصول على نسب مرتفعة للنجاح قصد التباهي بها أو أحيانا يقوم أهالي المنطقة بإكرام المراقبين بما لذ

وطاب من الأطباق الشهية وتهيئأحسن الإقامة لهم مما يجعل المراقبين في حرج لأن الأهالي لم يكرموهم

إلا بغية التساهل مع أبنائهم في ظل هذا التحول السلبي في مجال التقويم

التربوي إذن فما الحل؟؟؟؟؟

واليكم هذه المادة المرئية

حتي متي !!!

حتي متي !!!

الحمدالله غافر الذنب قابل التوب شديد العقاب لاإله إلا هو سبحانه

وأشهد أن نبينا محمد صلى الله عليه وسلم المبعوث هدى ورحمة للعالمين

قال تعالى : (وتوبوا إِلَى اللَّه جميعا أيها المؤمنون لعلكم تفلحون)

وقال تعالى : ( استغفروا ربكم ثم توبوا إليه )

و قال رَسُول اللَّهِ صَلَّى اللَّهُ عَلَيْهِ وَسَلَّم: ( لله أفرح بتوبة عبده مِنْ أحدكم سقط عَلَى بعيره وقد أضله في أرض فلاة ) مُتَّفّقٌ عَلَيْهِ

متي ستتوب اخي الحبيب ؟؟

بعد الموت لا توبة

أترضى بالمهانة والمذلة

متى ستعود الى ربك تحمّل رسولك كل المشقة لكي تطلع مسلم

وها أنت فى المعاصى غارق متى ستصلى

متى ستقرأ القرءان

متى ستقيم اليل

متى ستقلع عن المعاصى

متى ستقلع عن مشاهدت المناظر العارية

متى ستبكى على اخوانك المستضعفين الذين يقتلون كل يوم

اتنتظر حتي تأتي الامتحانات كل عام حتي تصلي وتصوم وتقرأالقران

ويتحقق فيك قول الشاعر:-

صلي وصام لا امر كان يطلبه فلما انقضي الامر لا صلي ولا صام

متى ستتوب متى سترفع يدك لله طالبا منه الهداية

متى ستبكى على معاصيك

أعلنها ياعبدالله صريحه وقولها بصوت عاااااااااااااااالي

وارفع يديك وقل ياااااااااااالله إني عبدك الضعيف أكثرت من الذنوب والمعاصي والآثااااااااااام

فيااااربي اغفرلي ذنبي وقبل توبتي ياااااااااااااااااااااالله

وأعلنها توبة صريحه لله عزوجل

واجعل العين تذرف والقلب يخشغ والفؤاد يبكي

إذا رفع العبد يديه للسماء وهو عاصى فيقول يارب فتحجب الملائكة صوته

فيكررها يارب فتحجب الملائكة صوته

فيكررها يارب فتحجب الملائكة صوته

فيكررها فى الرابعة فيقول الله عز وجل الى متى تحجبون صوت عبدى عنى؟؟

لبيك عبدى

لبيك عبدى

لبيك عبدى

لبيك عبدى

عالقهوة

عالقهوة !

موضوع غريب بس شـيق

بس للاسف حاجه كانت بتجمعنا زمان وبتجمع اجدادنـا

دلوقتي بنعتبرها مضيعة للوقـت

زمان كنا بنستغلها صح نقابل الناس نتلكم مع بعض نفضفـض

لافي نميمة ولا غيبة ولا كلام ع اللي رايح واللي جـاي

كان في احترام للطريق وادابـه

كان الدكاترة والمهندسين والمعلمين بيعدوا ع القهـوة

دلوقتي اللي بيعد علي القهوة شـباب

فاقد للامل فاقد هدفه وطموحه فاقد للحياه شايف انه طموحه انتهـي

حتي الناس عادت بتنظر لـ اي شخص بيعد علي القهوة انه شخص سلبـي

فين نظرة الناس زمان للقهوة زمان كـان

فيه دعاه بيعدوا علي القهوة والوطنين وغيرهم كانوا بيعدوا علي القهـوة

دلوقتي اصبح الشباب الضايع هو اللي بيعد القـهوة

لكن انا نفسي ترجع زي زمان وماتكونش مضيعة للوقـت

وانا شخصياً متفق مع راي المنشد في كلامه بس قبل ما اقول كلامـه

يلا

نسمعـه

وتقولولي

رايـكوا...

http://www.imeem.com/people/AzCWPei/music/z6nLyHur/yallarabcom-audy23-yallarabcom-audy23/

مافيش اسهل من كده

مافيش اسهل من كده!!!
**********

السؤال الأول:

التعبير

اكتب ما لايقل عن 650 سطر فى أحد الموضوعات التالية

أ-

شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة: أنا باشتغل فى حديد عز

ب-

لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

ج-

بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط.. الورق متراقب

*******

السؤال الثانى:

القصة

أ-

من قصة: وعهد الله ما انت داخل الانتخابات.. اقرأ القطعة وأجب عن الآتى ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ ده انت عايز معجزة.. مش كفاية بتاكلوا لحمة ومستورين.. عايزين إيه تاني؟
ما هى اللحمة؟ أو على الأقل حدد أقرب معنى خيالى لها
مرادف معجزة فى اللغة:-
تغيير وزارى – زيادة المرتبات – رغيف العيش.. اختر يامقلول البخت

ب-

لماذ ضربه الرجل بالجزمة وليس بالعصى مثلا؟؟أهو كسل .. لسة هيرفع العصاية؟.. عشان العصاية قلة قيمة برضه واحنا فى عصر الديمقراطية.. عشان العصاية شغالة مع واحد تانى.. افهم انت بقى واختار

ج-

حلل بمزيد من التفصيل جملة: ضربه بالجزمة ومدى توافقها مع جملة: مصر بتتقدم بينا

*******
السؤال الثالث:

القراءة

من موضوع: الزعيم.. والفنان.. والقدوة.. اقرأ القطعة وأجبنفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا.. الخبر حقيقي.. كما أنه يرحب بالتوريث ومقتنع بكل سياسات الحكومة
ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟

*******

السؤال الرابع:

النصوص

أجب عن أحد النصين الآتيين
أ-

من نص: ماشربتش من نيلها.. اقرأ ثم أجبماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكيلهابعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..

اختر.. ما المقصود بنيلها فى النص؟

المسيسبى - الأمازون – يونج يانج

هذا النص من نصوص الحزب الوطنى والدليل وجود اسم مهم من قيادات الحزب فى النص.. استخرج الاسم.. وبوسه من بُقـُّه ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبب بعده عن الواقع.. وضّح من النص ما يتفق مع القول المأثور اطبخى ياجارية.. كلف ياسيدى

ب-

من نص: حين ميسرة.. أجب عن الآتى

اذكر اسم مصيبة واحدة محصلتش فى النص الأسود ده

وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.. كمبيوتر إرهابى بقى
سبب وجود الشرطة كل خمس دقائق فى النص؟

************ ****

السؤال الخامس:

النحو
أ-

أعرب ما تحته خط.. لو مالقيتش القطعة أصلا.. اتصرف
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا يامواطن

ب-

كان ممدوح إسماعيل قاتلا.. ضع إن مكان كان.. على ألا تنصب ممدوح.. عشان هوه بينصب لوحده
ج-

فُرِضت الضرائب علينا ببشاعةأعرب الجملة.. وارفع الضرائب أبوس إيدك

*******
السؤال السادس:

الخط
كوز المحبة انخرم.. طرطش على كمى.. ياحبيبى بطل جفا وارحم عذاب امي
اكتب الجملة السابقة ثلاث مرات بثلاث خطوط.. موبينيل وفودافون واتصالات.. كما يمكن التحويل من خط لخط بنفس الرقم.. فقط اتصل بخدمة العملاء

*******

محمد في قلوبنا

طبعا بدايه احنا عارفين ان اي شئ لم يفعله الرسول

يكون بدعه وكل بدعه ضلاله وكل ضلاله تودي بصاحبها للنار

فحكايه الاحتفال بعيد مولد النبي عليه افضل الصلاه والسلام بدعة

ناس هتقول طب ليه ده احنا كده بنفتكر الرسول عليه افضل صلاه وازكى سلام وبنحتفل من فرحتنا باليوم اللي اتولد فيه

هنقول جميل بس الرسول نفسه لم يكن يحتفل بهذا اليوم بالعكس كان بيصوم فيه علشان محدش من الصحابه يظن انه سيوسع على اهل بيته في هذا اليوم

وقال رسولنا الكريم "لا تطروني كما ططرت اليهود رسولهم" اي متعظمونيش لدرجه العباده كما فعل بني يهود وكذلك قال الرسول صلى الله عليه وسلم انما انا عبد الله الفقير اليه

كما ان الصحابه الكرام والخلفاء الراشدون لم يحتفلوا بهذا اليوم واحد اكيد هيسأل ويقول امل احنا جبنا التأليفه ديه منين

هنرد ونقول اللي عمل كده هوه المعز لدين الله الفاطمي الله يسمحه بقى

لما فتح مصر كان الشعب المصري خائف من هذا الفتح وهذا الرجل وكان المعز يعلم مدى حب المصريين للرسول ولاهل بيته ففكر انه يعمل شئ يقرب منه الشعب فاخترع حكايه الحلويات اللي تتوزع وتتعمل مخصوص في هذا اليوم وتجمعات الذكر والصلاه على الرسول وطبعا كل ده بدعه وضلاله

لان المسلمين ملهمش غير عيدين اتنين بس وطبعا كلنا عارفينهم

وفيهم الفقير والغني بيفرحواالغني بيفرح بالفسحه والخروجه والدبيحه والفقير بيفرح بالزكاه او اللحمه اللي بياخدها وبفرحه اليوم نفسه

لكن حد يقدر يقولي بقى في يوم المولد النبوي هل الفقير هيفرح زينا؟

ولاهيحقد على الغني اللي يقدر يشتري علبه الحلويات الفاخره وهو واقف يتفرج عليه

تاني حاجه في للاسف مظاهر غريبه بتحصل عند مقامات الناس الصالحين كما في الحسين والسيدة زينب

وغيرهم بتلاقي الناس عماله تطبل وتتغنى بالصلاه والسلام على الرسول وتغني وهيه بتقرا القران هل هذا مظهر اسلامي؟

الغرب يقولوا عنا هذاكان الرسول عليه افضل صلاه وازكى سلام كان يقول اذا ذكر القران توجل القلوب وتبكي من خشيه الله احنا ازاي نقلبها غنى لا وايه كمان بالطبله والدف ناهيك عن الاختلاط بين الرجال والنساء في وسط هذا الزحام

طبعا هنقول امال نعمل ايه في اليوم ده هنقرا في سيره الرسول الكريم وهنجمع الاطفال في البيت ليهم قصه رسولنا الكريم وازاي واجه صعوبات في نشر الدعوه ويوم ميلاده

الاسلام غيرني كتير "بصوتي"

يلا مش حرمكوا من حاجة

وزي ماطلب مني ناس كتير غالين عليه اوي انى انزل اي انشودة ليه

دي بقي ان شاء الله هتكون اول حاجه ليا والباقي تباعاً

واحدة واحدة ماتستعجلوش علي رزقكوا

وحلقاتي علي قناة "الحافظ" كتير

اسبكوا بقي مع اول حلقة

وتقولولي رايكوا في الاخر

هتقضيها كده..

الاجازة دي طبعا مش زي غيرها ...دي مرحلة تانيه في حياتي ..

طب اليوم عندك ماشي إزاى ياعم الحج ؟؟

كل يوم بنام على الفجر ده في حالة لما أنام بدري ممكن تضرب معايا لحد 6 و7 و8ميضرش ..والله المستعان

وبعدين؟؟

بنام بقة وأوم ع العصر وطبيعي ان الظهر فاتنى ..بس والله بكون زعلان .. بس أعمل ايه مش قاااادر أقوم .. بس تعرفوا احيانا بيلحق الظهر قبل العصر بدقيقة او 2؟!!

بعد كدة بيبدأ يومى الى هو المفروض اصلا انه انتهى .. وبتغدى .. وطبيعي مفيش فطار ..

وبعد كدة بقة ممكن اريح شوية كدة ع السرير مع الحلويات والحاجة الساقعة والفاكهة والذي منه ..

بعد كدة بصراحة بطنش ماما في طلبتها أحيانا .. بس عمل الأكل بقة عمرى ما حاولت أصلا لانى بكون في ساابااااااابع نومة ..

بعد كدة بقة أستلم جهاز الكمبيوتر ..اشوفلى كام جيم .. على فيلم كوميدي ..وشوية شات مفيش مانع ..اهوه بكون علاقات ما انا واحد مهم ..
بعد كدة بقة ... أصاحبي هارينى اتصالات فبنزل معاهم .. ارجع بقة على 3 بحاول ارجع بدري اهوه علشان اكمل سهرتى على الجهاز ..

بعد طبعا ما بكون ضربت كام سندوتش برة على 2 ساقع

بعدها بصلي الفجر طبعا .. معقول اسمعه وماصليش .. بس بصراحة ساعات بصليه تحت في المسجد وساعات فوق وساعات في النص!

المهم بنام لما اصلي وتتكرر الكارة من الأول ...

إيه رأيك في اليوم بتاعى جامد صح؟؟

طب اسكت بقة .. وقولى هنا انت عاجبك

بصراحة لا .. بس اعمل ايه يعني

طب استفدت حاجة في نهاية الاجازة ..

توء توء

ده طبعا حال ثلاثة ارباع الشباب والبنات .. ده لو ماكنش كلهم..

نفسي اعمل حاجه

فلسطين نادت فلبوا النداوهبوا اسودا وكونوا الفدا

ففى ارضها قد تمادى العدا

وحل الظلام محل الهدا

فلسطين نادت ........ فلبوا الندا

يقول الله تبارك وتعالى "" إن الله اشترى من المؤمنين أنفسهم و أموالهم بأن لهم الجنة يقاتلون في سبيل الله فيقتلون ويقتلون وعداً عليه حقاً في التوراة والإنجيل والقرآن ومن أوفى بعهده من الله فاستبشروا ببيعكم الذين بايعتم به وذلك هو الفوز العظيم "

إخوانى وأخواتى فى الله .

لا يخفى على أحد منّا أحداث تجرى فى فلسطين الحبيبة وتحديدا "غزة" المرابطة .

ففلسطين أرض الرباط ومسرى رسول الله .

حقا لكِ الله فلسطين .

امتى فى يوم صحينا مالقيناش مآسى ومجازر ودماء فى فلسطين .

فلسطين دى أرض الإسلام يا جماعة .

وطننا كمسلمين هو كل شبر فى العالم عليه واحد مسلم .

عايزين نعمل حاجة لديننا ولإسلامنا .

بجد والله نفسى لما أقابل ربى يوم القيامة أقول له يارب قدمت كذا وكذا لمسرى حبيبك .

عندك إجابة للسؤال ده.....؟؟؟؟

عملت ايه لشلال الدم المتدفق يوميا فى فلسطين .

هتكتفى بأمنيتك ودعائك ان تكون دمائك مددا لهذا الشلال .

مش كفاية يا أخى ويا أختي .

طب هنعمل ايه غير كده ....؟؟؟

المهم تكون بجد عايز تعمل حاجه .

عايز تحس انك مجاهد بجد فى سبيل الله .

انت مش غيران من شباب ونســــــــــاء بل واطفال فلسطين المجاهدين .

مش نفسك ربنا يكتبك من المجاهدين .

مش نفسك تعيش لهدف كبير فى حياتك .

هنفضل طول عمرنا بنشتغل وناكل وننام ونلعب ونضحك ولما نفتكر فلسطين ندعى دعوتين وكأن شيئا لم يكن.

طب هم مسلمى فلسطين بيعملوا كده .

ماتقولش دى ارضهم .

دى أرضك يابنى .

انت يااااااااكل مسلم على وجه الأرض دى أرضك .

العدو قدر يقنعك ان بلدك ووطنك هى مصر بس أو .... أو .....

وبعد كده كل واحد مسئول عن أرضه .

لكن بجد دى ارضنا وده مسجدنا المسجد الأقصي .

وصدقونى هنسأل امام الله ماذا قدمنا لفلسطين الحبيبة وماذا قدمت لا اخوانك في "غزة".

ماذا قدمنا لإخواننا المحاصرين منذ تولى حماس الحكم فى فلسطين .

"يا أيها الذين آمنوا مالكم إذا قيل لكم انفروا فى سبيل الله اثّاقلتم إلى الأرض أرضيتم بالحياة الدنيا فما متاع الحياة الدنيا فى الآخرة إلا قليل"

"انفروا خفافاً وثقالاً وجاهدوا بأموالكم وأنفسكم فى سبيل الله ذلكم خير لكم ان كنتم تعلمون"

انفروا ياجماعه

بجد استشعروا معايا روح الجهاد دى .

واللى فى ايدنا دلوأتى جهاد بالمال ولا تهمله فمن لم يجاهد بماله أشك أن يجاهد بنفسه .

فأيهما أغلى نفسك أم مالك....؟؟؟

عارف انى طولت وعارف انك نفسك تعمل الكثير لفلسطين ولغزة الصمود ولمسرى حبيبك .

وكان هو دى هدفى انك تقول مستعد اعمل اى حاجه .

وساعتها ان شاء الله بصدق نيتك ربنا هيفتح الأبواب .

وبارادتك ستذلل الصعــــــــــــــــــاب.

فبوسعنا ان نفعل الكثيـــــــــــــــــــــــر .

اذا أردنـــــــــــــــــــــــــــــــــــــــا.

اترككم مع هذا الكليب الذي يعبر عن معاناة اهلنا في غزة واغنيه بعنوان

&&&&&&

"مش عارف اعمل حاجه" لـ "تامر حسني"