![[̲̅M̲̅].[̲̅R̲̅]. .[̲̅M̲̅].[̲̅O̲̅].[̲̅N̲̅].[̲̅S̲̅].[̲̅H̲̅].[̲̅E̲̅].[̲̅D̲̅].](http://4.bp.blogspot.com/_0oWxfxQ1EJo/SXJC-VMaYhI/AAAAAAAAAOA/Rf93ry4USa0/S1600-R/gaza.bmp)
موضوع بفكر فيه كتير ولكنه يلح على عقلى منذ زمن...وزاد واستشرى فى ثنايا عقلى بعد الهجمة الشرسه علي الاسلام والمسلمين والفكر
الاسلامي بشكل خاص وأثار اهتمامي مايقال في اجهزة الاعلام المختلفة بشتي وسائلها المسموعة والمقروءة والمرئية لما كل هذه الحرب علي الاسلام والمسلمين والفكر الاسلامي و المسميات الاسلامية ؟؟؟؟
والمسميات الاسلامية بالتحديد ابدلوها بمسميات اخري لاتليق بنا نحن المسلمين مثال ذالك "اللحية" و"النقاب" فإذا بنا ما قرأنا المجلات
والجرائد او حتي اطلعنا علي التلفاز يجبلك صورة واحد ملتحي ويقوللك هذا هو الارهابي الذي قد فعل كذا وكذا زي ماكانوا جايبين قبل كده علي القنوات
المصرية في البرنامج بتاع الجرئم والكاميرا مركزة علي الدقون والمضحك في كده إن مرة شخص دخل الشارع كان ملتحي وبيركب عربيته لسه بيطلع بالعربية
الكاوتش فرقع بصلهم قلهم العربية مش انا وشر البلية مايضحك فإذا مانظرنا الي الصحف المصرية زي الاخبار او الاهرام او جرايد الحكومة عموما صورة واحدة منقبة و واحد ملتحي ويقوللك اقنعة الارهاب
اللحية والنقاب اصبحوا من اقنعة الارهاب حسبنا الله ونعم الوكيل طب خلي كده واحد ملتحي يتولي منصب حكومي او واحدة منقبة تتولي اي منصب ابدا والله مايحصل اعرف برده طالب في طب
المنوفيه في احد المعسكرت بيقول للوزير انا طالب ملتحي ينفع ادخل اتحاد الطلاب ينفع اخش شرم الشيخ طبعا سكت الوزير الموضوع طبعا اتقلب ضحك فتخيل
احنا بنحارب في عقيدتنا وفي فكرنا حتي المسميات الاسلامية بنحارب فيها ادياللحية والنقاب.. مثال تاني
عندنا "المسجد" طبعا تشديد وزارة الاوقاف علي المساجد وممنوع تحفيظ القران مش عايزين يشوفوا اي مظهر اسلامي حتي في المساجد
اذا كان احنا في رمضان ووكيل وزارة الاوقاف مشدد علي إن صلاة العشاء بالتراويح لا تزيد عن 90 دقيقية ومش عايزين اللي اسمهم ايه طبعا انتوا عارفين يقصدوا مين يصلوا في المساجد اضطهاد واضح
مش عايزين اي تواجد ليهم حتي اجهزة الاعلام كانت تطلق علي المسجد اسم "وكر" يا الله المسجد يبقي اسمه وكر الوكر اللي هو اصلا بيتعمل
فيه اشياء تغضب الله ويتم تعاطي فيه المخدرات يطلق علي المسجد وتلاقي في الجرايد يقولك تم ضبط وكر تسأل واحد تقوله يعني ايه وكر
يقوللك اه يعني مسجد ويجي واحد و يشاور علي المسجد ويقول هذا هو الوكر اللي حدث فيه كذا وكذا وكان يجتمع فيه الا رهابيون و حسبنا الله ونعم الوكيل
ادي اللحية ادي النقاب ادي المسجد
نيجي بقة "المدرسة" في المدرسة بيعلموا الاطفال في المدرسة اناشيد لطيفة وظريفة زي يقول القطة المشمشة وقطتي صغيرة والحاجات
دي كان بعض زهرات صغيرين فقاللوهم المديرة هاتيجي تزور المدرسة فعايزين نستقبلها استقبال كويس واتدربواعلي الاناشيد دي
كويس
جت المديرة فقالت للبنت قومي اطلعي قولي النشيد اللي انتى حفظتي طلعت البنت بكل قوة وجراءة ومسكت المايك وقالتلهم انا هاقول نشيد
علمهوالي جدو قلولها ماشي مطلع النشيد بيقولوا "انا مسلم انا مسلم اضربوني برده مسلم اقتلوني برده مسلم "كل اتلبش المديرة قالتهلها تعالي
مين اللي علمك النشيد ده قالتها جداو قالتها مين جدوا قالتها من الاخوان المسلمين ييييييييييييييييييي وكمان من الاخوان هما طايقينا والله مش طايقين حتي يسمعوا سيرتنا بس والله بنت ب100راجل
حتي المدارس لم تسلم
ادي اللحية ادي النقاب ادي المسجد ادي المدرسة
كفاية كده...............
الخلاصة: ان احنا الارهابين الملتحي بقه ارهابي والمنقبة هكذا بالله عليكم مين الارهابي الحقيقي الارهابي اللي بيمنع الصلاة في المساجد ويتهجم علي البيوت باليل "زوار الفجر" اللي يخبط بليل ويرعب الاطفال والنساء
مين هو الاهاربي الحقيقي؟؟؟؟
اسبلكوا الاجابة
دمتم بخير
كل عام وانتم بخير
و
رمضان كريم
48 اللى شرفونى:
موضوع تحفة
جزاك الله عنا كل خير
بس بصراحة احنا السبب فى الى احنا فية واحنا بردة الى خلينا الناس تتكلم عن المسلمين بطريقة مش كويسة بس تعرف لو كل واحد خد بالة من نفسة وتصرفاتة وبدء يتعامل مع نفسةعلى انة مسلم ممكن يكون هو سبب نهضة الامة محدش هيتجرأيتكلم على المسلمين نص كلمة احنا محتاجين نصلح من نفسنا
وشكرا
أخى منشد أنا من رايى ان اى مظهر شخصى دة شئ يخص صاحبه
وبعدين اللحيه مش عار ولا جريمه وكثير من الاجانب ملتحين ولا دخل لهم لا بالاخوان ولا بالارهاب دى دقن
وواحد شايل دقنه التانى زعلان ليه؟
النقاب زيه زى الحجاب زى الايشارب الصغير زى اللى بشعرها كلها مظاهر لحريه الشخصيه فى أرتداء او عدم ارتداء ما يعجبها
ألاسلام دين وفكر ومنهج وعقيدة وروح وحياة اما الازياء والذقون ف حريه شخصيه
السلام عليكوا يا احمد كل رمضان وانت بخير
المهم ان الى شوة صورة الاسلام ...مسلمين .الى سمح ان دة يتقال على الاسلام .....مسلمسين.....الى باعوا نفسهم لشهوات الدنيا وخلو الناس تربط حاجة معينة بالاسلام ....بردو مسلمين
المهم عشان الحكاية دى تخلص والموال دة ينتهى لازم احنا الى نتغير من جوانا ونغير الى نقدر علية ....عشان احنا بكرة ولو ملحقناش نفسنا بكرة هيضيع من ايدينا وولادنا هيضيعوا زى ماهانضيع ........عشان كدة لازم كل واحد يبدأبنفسة عشان نفسة وعشان غيرة يتبعة
معلشى اسفة على التطويل بس انا بعترض على رأى المدونة كنارى دة لأن فى زى للأسلام بس مسلمين هما الى شوهو صورة الى لبسينة
شكرا على عرض هذا الموضوع
نيرة احمد محمود.
monshed
انا ماعنديش غير بيت الشعر ده ارد بيه على الكلام الحلو بتاعك
فى هذا الزمن المجنون
اما ان تغدو دجالا
او تصبح بئرا من الاحزان
لا تفتح بابك للفئران
كى يبقى فيك الأنسان
واتمنى انك تشرفنى بزيارتك لمدونتى
دمتم بخير
السلام عليكم
بووووست اكتر من رائع
بحيك عليه كتير جداااا
عندك حق فى كل كلمة قولتها
شكرا على مرورك
السلام عليكم
موضوع يمس واقع ملموس ومؤسف
تبدل المفاهيم واصبح الصح غلط والغلط صح
واكيد كلنا عارفيين مين هو الأرهابى الحقيقى
لكن الحل بأيدينا ان احنا نعمل لهذا الدين بكل ما اؤتينا من قوه
حتى نستحق نصر هذا الدين على أيدينا
نكن نحن القدوه فى زمان افتقدت فيه القدوه
السلام عليكم
اتفق مع كلامك تماما وراودتنى الفكرة ولكن سبقتنى فى الحديث عنها
للاسف اصبحت اللحية والنقاب وارتياد المستجد ودروس القرآن شبهة
للاسف نحن من حاربنا الاسلام بايدينا اكتر من الغرب
تحياتى
رمضان كريم
تحياتى
موضوع يستحق التقدير
كل عام وانتم الى الله اقرب
كل عام وانتم إلى اللة أقرب وعلى طاعة أدوم
مشكور على مرورك الكريم
ومستنين الزيارة الجاية
موضوع راااااااااااااائع
جزاكم الله خيرا اخى مستر منشد
و كل عام و انتم بخير
رمضان كريم
تحيااااااااااااااتى
حقيقى سبحان الله عندك حق بجد فى الكلام ده ...
الشيخ عبد الله عزام كان يقول ألا أنبئكم بأكبر الكبائر عند الغربيين اللحية عند المتعلم ..
عندما يقال ملتحى تأتى الصواعق ..
متشدد غير خلوق شكل فقط ..مدعى ..وزد عليها ارهابى ..
وحسبنا الله ونعم الوكيل فيمن رسم هذه الصورة للملتحى ..
أما النقاب فلن أتكلم لأننى منتقبة فكلامى هنا مجروح لكن حسبى أن أقول ..
أنا من أتباع ذلك النبى الأعظم الذى زار اليهودى وسمح للمسيحى بالصلاة فى مسجده وامتلأ قلبه بالحب للانسانية ..
هذا يكفينى ..
جزاكم الله خيرا ..
اولا شئ كويس جدا انك تناقش موضوع زى دا
ثانيا عايزة اقولك اننا فى مصر ومن عاداتنا المتخلفة اننا اى حد بنشوفه عامل لحية طويلة او امراة منقبة يبقى ارهابى ودا للاسف بسبب وسائل الاعلام هى اللى خلت الفكرة دى عندنا كمصريين
ثالثا هنعتبر برده ان وسائل الاعلام هى اللى خلت الغرب يبصوا لمصر على انها بلد الارهاب ولاننا دايما فاضحيين نفسنا
وبرده لاننا معندناش حكومة تمنع الناس اللى بيشوهوا صورة مصر وبيقوموا بعمل عمليات ارهابية تخلى مصر صورتها امام العالم الغربى ارهابيين
وموضوعك جميل جدا
أخ أحمد رأفت واللة مشكور على زيارتك
بس مكنتش متوقعة أنها تكون بالسرعة دى
أما موضوع البوست دا فا دعواتكم.بس أن شاء اللة قريب
وكل عام وانتم إلى اللة أقرب وعلى طاعة أدوم
المدونه بجد جميله وتصميم القالب جميل واللون الاخضر مع الجيتار جميل وتحياتى على الموضوع و على الاسلوب الرائع
مدونة جميلة وموضوع واقعى ...والصبر والصمود والفرج قريب
وهو دا تفسير كميه المسلسلات المهوله ف رمضان
عشان يبعدوا الناس عن المساجد وعن ربنا
وهذا ما يطلق عليه اسم الاعلام الموجه موجه الى الناس البسطاء لألهائهم عن الحكومه والفساد
حسبى الله ونعم الوكيل
مدونه جميله وموضوع رائع واحييك بشده
تقبل مرورى
اولا رمضان كريم أخى....
ثانيا : صحيح هو مين الارهابى ؟!!
لو كنت بزيى وبدينى
وصلاتى بمسجد ربى بتخلينى
زى ما بيقولوا يعنى "ارهابى"
انا هصرخ وهنادى انا ارهابى انا ارهابى
بس كده يا استاذ..كل عام وانت الى الله اقرب وعلى طاعته ادوم...
صحيح ممكن ملحوظة:
المفروض ان هى اسمها "منتقبة" وليس "منقبة" لان منقبة بالبلدى كده يعنى"مخرمة"...وجزاكم الله خيرا..
تدعوكم اللجنه المصريه لفك الحصار عن غزه واللجنه الشعبيه لفتح معبر رفح لتلبيه نداء الدكتور حمدي حسن والحمله الشعبيه لكسر الحصار عن غزه ..
للخروج في قوافل بإتجاه معبر رفح من أجل رفع الحصار عن غزه .
وقد أعلنت اللجنه المصريه لفك الحصار عن غزه عن التحرك بقافله من أمام نقابة الصحفيين بالقاهره يوم الأربعاء 10 رمضان الموافق يوم 10 سبتمبر بإتجاه معبر رفح .. علي أن يكون موعد الإنطلاق في تمام الساعه 6 صباحا مباشره .
* نرجو ممن يود المشاركه الإتصال باللجنه علي الأرقام التاليه للحجز من أجل توفير أماكن و أوتوبيسات للجميع
* الإشتراك بالقافله ب 30 جنيه للفرد الواحد
* نرجو الإتصال بالأرقام 0105805657 - 0106832876 من أجل الحجز وتوفير أوتوبيسات للجميع
* من يستطيع القدوم بمساعدات مهما كان حجمها نرجوا إحضارها معه وسيتم إرفاقها بالأوتوبيس لتوصيلها للقطاع إن شاء الله
* عنوان نقابة الصحفيين بالقاهره : 3 شارع عبد الخالق ثروت ( المتفرع من شارع رمسيس) - منطقه الإسعاف - محطه مترو جمال عبد الناصر ( خلف دار القضاء العالي )
الأربعاء 10 رمضان - 10 سبتمتبر
الساعه 6 صباحا
أمام نقابة الصحفيين بالقاهره
قافله بإتجاه قطاع غزه المحاصر
للحجز والإستعلام والمعلومات
0105805657 - 0106832876
فاكس:0223623935
جزاك الله كل خير ,,,واحنا لازم نغير الصوره السيئه دي عن ديننا ولازم نكون افضل مهما كانت الظروف لان المسلمين هما اللي المفروض يكونوا قاده العالم واسياده,,مش شويه القرده والخنازير اللي بتحاول تشوه صوره الاسلام
اللهم اعز الاسلام والمسلمين واذل الشرك والمشركين ودمر اعداء الدين
اللهم امين
mawdo3 ro3a
teslam 3leh
w kl 3am w antom ella allah akrab
w el anshoda 7elwa
salam ya man
السلام عليكم
تخيل انى حسيت انى انا اللى كاتبة الموضوع انا فعلا كنت هكتب عنة وسبحان الله فؤجئت بانك كاتب اللى انا عيزاة بالظبط
ودة خواطر افكار متشابه
هااقولك المشكلة اية ان اى كاتب سينارست بيكتب مسلسل او فيلم للاسف ان معظمهم بيكونوا مش على درجة دينية كبيرة
ودة طبعا بيخليهم يرمزوا ان النقاب واللحية هم الارهاب
انا مش منقبة بس بحترم النقاب وبحترم بردوة البنت اللى بشعرها
مادامت اللى اودامى بتتصرف معايا باسلوب محترم وكويس لازم احترمها
فمعنى كدة حرام انة يصور الارهاب فى هئية نقاب او لحية
انا اعرف منقبات كتير وبصراحة بلاقيهم كويسين جدا ومش متذمتين
واعرف بردة منقبات تصرفاتهم غلط
بس ماينفعش اعمم الحكم على الكل انها منقبة تكون كويسة
او انها منقبة تكون وحشة
انما الاعمال بالنيات
وطبعا مادمنا مش هنعرف النيات لنا ان الاعمال بالتصرف اللى ادامك
السلام عليكم
تخيل انى حسيت انى انا اللى كاتبة الموضوع انا فعلا كنت هكتب عنة وسبحان الله فؤجئت بانك كاتب اللى انا عيزاة بالظبط
ودة خواطر افكار متشابه
هااقولك المشكلة اية ان اى كاتب سينارست بيكتب مسلسل او فيلم للاسف ان معظمهم بيكونوا مش على درجة دينية كبيرة
ودة طبعا بيخليهم يرمزوا ان النقاب واللحية هم الارهاب
انا مش منقبة بس بحترم النقاب وبحترم بردوة البنت اللى بشعرها
مادامت اللى اودامى بتتصرف معايا باسلوب محترم وكويس لازم احترمها
فمعنى كدة حرام انة يصور الارهاب فى هئية نقاب او لحية
انا اعرف منقبات كتير وبصراحة بلاقيهم كويسين جدا ومش متذمتين
واعرف بردة منقبات تصرفاتهم غلط
بس ماينفعش اعمم الحكم على الكل انها منقبة تكون كويسة
او انها منقبة تكون وحشة
انما الاعمال بالنيات
وطبعا مادمنا مش هنعرف النيات لنا ان الاعمال بالتصرف اللى ادامك
انا ارهابي ..... انا أرهب عدو الله
"وأعدوا لهم .... ترهبون به عدو الله وعدوكم"
جزاكم الله خيرا على الموضوع القيم
ربنا يباركلك يا رب و يجازيك خير
قلت كلام ف قلوب الناس كلها و تاعب المسلمين
ما ينفعش نحارب بعض
و كمان ما ينفعش نكون واجهه سيئه لدينا
يعنى اللى ملتزم منا لازم يكون عارف ان اللحيه و النقاب التزام و محسوب عليه تصرفاته
ربنا يباركلك و يجازيك كل خير
رمضان كريم
ده اول مرور ليا وبجد المدونة بتقول انك شاب مطلع ومتابع وكمان ايجابى بشكل كبير
بالنسبة للبوست انت علقت عندى على موضوع الشرطة وقلتلى ان العميم غلط
طيب ايه رايك بقى فى التعميم اللى حصل ده على المسلمين كلهم واضطهادهم فى كثير من دول العالم واعتبارهم ارهابيين لمجرد ان كام واحد مسلم عمل عملية سموها ارهابية؟؟؟
تقبل مرورى وتحياتى
كان عندي ملاحظه ان الصوره الي في البوست دي من ضمن الصور المسئيه لسيدنا محمد وهيه من ضمن صور الرسام الدنماركي
فياريت تغيرها وتمسحها
الي شدني عندك هوه النيك نيم بتاعك وانك مستخدم نفس النيك نيم الي كان عندي من فتره عموما تقبل مروري واهتم بموضوع الصوره
اقصد الزخرفه الي في النيك نيم
يعنى كان لازم تحلفنا كدا هاضطر اقول...
وأنا كان نفسى أقولك اننا الإرهابيين
علشان بنطالب بحريتنا و كرامتنا
وكمان بنحارب الفساد و نتصدى للظلم
وكمان بنقول لا وقت ما نكون المفروض
نقولها ونفسنا بلدنا تتغير للأفضل و
الأحسن و فوق كل دا مش بتتغير ثوابتنا
رغم كل اللى بيعملوه ضدنا من
ممارسات ظالمةو...........
المسجد و المدرسة محاضن قوية اذا تم
ادارتها و تم توجيهها التوجيه الصحيح
الذى يكون و يربى أجيال تقدر دورها فى
اعادة نهضة بلادها و استعادة حضارة
امتها
كل عام و انت بخير و كل شبابنا و
رجالنا و أولادنا و بناتنا
أنتم جيل النصر المنشود ربنا يحفظكم
ويزيدكم من نعمه و خيراته و عطاءاته
الإيمانية
08 سبتمبر, 2008 03:16 ص
أنا ارهابية
بس مش منتقبه :)
أصبحت حتى المختمرة ارهابية
وكل من يلتزم بتعاليم الاسلام ارهابيا
أعجبني رد الاخ
محمد الشودافي :
(( انا ارهابي ..... انا أرهب عدو الله
))
جزاكم الله خيرا
وأنرتم مدونتي..
أختكم..
انا دايما برفض نظرية المؤامره
كل واحد بيعبر عن نفسه من غير تدبير
كل اناء ينضح بما فيه
واللحيه والنقاب ضد مصالحهم يبقوا وحشين
ملحوظه
ياريت تشيل الصوره اللى انت حاططها ف اول البوست
..........لا اعلم ....
فاذا اردت الحق نحن من فعلنا ذلك فى انفسنا نعم نحن تركنا الاستعمار و الموالين يفعلون ما يريدون و اصبحنا نحن مجرد....نردد كلامهم
و للحق هذا الامر بدأ معنا منذ زمن حتى تغلغل فى اذهان الناس و ولد البعض وهم به مؤمنون
المهم كويس انك طرحت الموضوع ده عشان جاء وقت تغيير و تصحيح المفاهيم
ربنا معانا.
السلام عليكم
للأسف لا تعليق عندي لان اللي بتحكيه للأسف حقيقي و أنا ناوية إن شاء الله أنزل علي المدونة موقف أتعرضتله أنا شخصيا بخصوص موضوع الإخوان المسلمين يا ريت تبقي تشرفني برايك الكريم
تحياتي
نعيب زماننا والعيب فينا و ما لزمننا عيب سوانا
و نهجو ذا الزمان بغير ذنب ولو نطق الزمان لنا هجانا
رحم الله الشافعي
تحياتى بوستك ممتاز
اكيد مش محتاجين نقول مين الارهاابي !!
بس بجد البوست راائع وفكرني بواحده قريبتي منقبه كانت راايحه فرح في قوات الدفاع الاول طبعاا منعوها من الدخول الا بشرط انها تقلع النقاب وتسيبه كمان بره وبعد مفاوضات دخلت بس شرط تحط منديل علي وشها غير اربع عساكر بيلفوا حواليها !!!!!!!!!
بجد ربنا يصلح حال الامه دي ويشيل الغشاوه اللي علي العيون وينصر دين محمد صلي الله عليه وسلم
شكراا مره تانيه علي البوست
تقبل مروري
تكرز ياحبيب اخووووك ههههه
اى حد دلوقتى ارهابي ياريس
ارهابي طالما انه بيقول الحق
ارهابي طالما انه بيسمع قرآن
ارهابي لانه بيلبس خمار او نقاب
ارهابي لانه بيصلي
.....
موضوع راااائع ياحمادة .....ابسز
وشيل ياعم الصور اللى انت حططها دى وتعالى انا اجيبلك صور احلى
السلام عليكم
بجد موضوع مهم جدا
هى دى طريقه الابلسه انهم يكرهوا الناس فى الالتزام والمسجد واللحيه والنقاب
حسبى الله ونعم الوكيل
دا كله لان لسالنا كتير اوى على ما نفهم معنى الحرية بجد و نقدر ان كل واحد فى مظهره و فى عبادته و فى علاقته بربه حر بدون اى وصاية من اى حد و بردو لما نفهم حدود حريتنا و نعرف انها اصلها الاحترام
تحياتى
دا تانى تعليق ليا فى البوست دا
بس المرة إللى فاتت كانت رد على تعليق حضرتك فى مدونتى
المرة دى انا قراءت البوست
وشدنى جدا
لانة واقع بنعيشة كلنا
وخصوصا فى المسجد لما تبقى مش عارف تقعد فى بيت ربنا بعد الصلاة دى يبقى أية .
بجد مش قدرة أقول حاجة غير حسبى الله ونعم الوكيل
اول زيارة ليا لمدونتك حضرتك
ابرهنى الموضوع الرائع ده
جزاك الله خيرا
انا بعد اذن حضرتك اضفت مدونتك فى المفضلة عندى
كل سنة وحضرتك طيب
اتمنى التواصل الدائم بيننا
جزاكم الله خيرا على البوست بجد
دلوقتى عندنا منعوا المنقبات فى المدينه الجامعيه
وعمرى ما انسى وانا فى ثالثه اعدادى وانا كنت داخله المدرسه( المدير قالى: اخلعى الهباب اللى على وشك, يا تروحى تروحى, وطبعا روحت
ولولا ربنا سترها معايا ورزقنى بو احد فى الاداره كان من الاخوان, كان ساعتها هو المسئول
فسمحلى با لدخول
ومع انى مش من الاخوان الا انى متعاطفه معاهم
بس بما ان حضرتك من الاخوان
فانا هحكلى للك قصه وتقوللى تفسيرها
كنت فى فرح واحده صاحبتى وهى كانت من الاخوان, فطلبت من البنات اللى بيغنوا, انى اغنى للعروسه اغنيه,
فسمحتلى الاخت اللى كانت ما سكه الدف وقالتى يلا واحنا بنغنى انا واصحابى وكانوا منقبات زى, راحوا البنات, مزعقين مع الاخت, واتقلب الفرح, وقاللوها , بتسسيبهم يغنوا ليه,
حاولت الاخت تصلح الموقف بضحكه, والناس كلها استغربت اوى للى حصل
وانا اكتر,
وبعدين بعد ما طلعت,
قاللولى هما عملوا كدا, عشان انتى منتقبه,
ممكن حضرتك تفكر انى صوتى كان وحش انا واصحابى
, بس احنا بنعمل فرقه وبنغنى فى كل الافراح, والناس بتجى تدعينا, ومفيش فرح الا واحنا بنروحه, حتى العروسه نفسها كانت دعيانا
بصراحه زعلت اوى من كل الاخوان
يعنى احنا متعاطفين معاكم على الرغم اننا مش منكم
وبتمنى لكم كل الخير
وبحب فيكم حاجات كتير اوى لان فيكم خير كتير
وانتوا اللى بتدعواللحريه
فازاى...؟
بتمنى من حضرتك تفسير فقط
دمت سالم
اسفه على التطويل
بص انا حقول حاجه واحده
اللحية والنقاب دول حاجه اساسا عظيمة
ياريت الواحد يبقا كدا
بس للأسف ف الزمن دا مينفعش ..
طب هنعمل ايه ..
اى حد لابس نقاب او ملتحى كلنا بنخاف منه .زوالسبب الاعلام
هو اللى شوهه صورة اللحية والنقاب
حسبى الله ونعم الوكيل
كلام جميل جدا
بس عاوزة اقوللك على حاجة اة المسلمين كويسين
بس للاسف السيئة تعم
بعض الله يجازيهم من يطلق عليهم المسلمين وماهم من الاسلام فى شئ والاسلام برئ منهم ومن افعالهم
هم من اساوا الى الاسلام
انا مش مع اللى الحكومة بتعمله بس فعلا فى ناس تطرفت بشكل يضر مصلحة البلد
بس عندك حق ان اللى يحصل ده مش هو الحل
دمت بسلام
وحفظ الله الاسلام والمسلمين
وكل عام وانتم بخير
تحياتى
أنا أنا أنا
بما إن حضرتك بتسأل من هوا الإرهابى
الحقيقى ؟؟؟؟؟
أنا من الإخوان وأنا لبسه الخمار
وأنا .......وأنا........
يبقى أنا إرهابية كده تمام التمام
مش ناقصنى حاجه ............
فييجوا يخدونا يخلونا نستريح من الدنيا
وبلاويها!!!!!!!!!
على العموم ربنا يهديناويهديهم
"سندس"
اول تعليق في هذه المدونة ..
استغرب من وجود 5 مواضيع فقثقط بالمدونة..
بارك الله فيكم
السلام عليكم ورحمه الله وبركاته
----------------------
بوست رائع والله فى ميزان حسناتك ان شاءالله
يعلم الله من هم الارهابين الحقيقين ولكن لكل وقت عند الله
واكيد هذه محنه للاخوه الملتحين والاخوات المنتقبات
اتمنى انه ميكونش فى أخت مسلمه غير منتقبه ولا اخ مسلم غير ملتحى
والله من يفعلها لله يقيه الله شر الباطل ويبعد عنه السوء
كل مسلم ومسلمه مسئولين عن الاسلام يوم القيامه
ماذا قدمت للسلام اخى ماذا قدمتى اختى
انتى بنقابك وسلوكك الطيب ومعاملاتك الحسنه مع الغير تنشرين مبادئ دينك
وانت بلحيتك ومعاملاتك الطيبه وسعه صدرك مع الغير تنشر رحمه دينك
وكلنا مسؤلين امام الله
الله المستعان
ماشاء الله عليك كل ما بقرا بوستاتك بيزيد اعجابي بيها فعلا كبها بجد مواضيع هادفه وحقيقيه وربنا بقي يتولنا والله نفسي النايس كلها ربنا يهديها ونرجع لااسلام بجد ونطبق شريعه ربنا سبحانه وتعالي وانا وانت وجميع المسلمين
كل سنه وانت طيب ودمت في تألق
واارهابي الحقيقي هو اللي بيهدم المجتمع ويدمر البراعم الصغيره ومش عاوز الدين اللي اساس كل شيئ يوصل للناس بطريق الصح
إرسال تعليق