BLOGGER TEMPLATES AND TWITTER BACKGROUNDS »

السبت، ٣١ يناير ٢٠٠٩

هتقضيها كده..


الاجازة دي طبعا مش زي غيرها ...دي مرحلة تانيه في حياتي ..

طب اليوم عندك ماشي إزاى ياعم الحج ؟؟

كل يوم بنام على الفجر ده في حالة لما أنام بدري ممكن تضرب معايا لحد 6 و7 و8ميضرش ..والله المستعان

وبعدين؟؟

بنام بقة وأوم ع العصر وطبيعي ان الظهر فاتنى ..بس والله بكون زعلان .. بس أعمل ايه مش قاااادر أقوم .. بس تعرفوا احيانا بيلحق الظهر قبل العصر بدقيقة او 2؟!!

بعد كدة بيبدأ يومى الى هو المفروض اصلا انه انتهى .. وبتغدى .. وطبيعي مفيش فطار ..

وبعد كدة بقة ممكن اريح شوية كدة ع السرير مع الحلويات والحاجة الساقعة والفاكهة والذي منه ..

بعد كدة بصراحة بطنش ماما في طلبتها أحيانا .. بس عمل الأكل بقة عمرى ما حاولت أصلا لانى بكون في ساابااااااابع نومة ..

بعد كدة بقة أستلم جهاز الكمبيوتر ..اشوفلى كام جيم .. على فيلم كوميدي ..وشوية شات مفيش مانع ..اهوه بكون علاقات ما انا واحد مهم ..
بعد كدة بقة ... أصاحبي هارينى اتصالات فبنزل معاهم .. ارجع بقة على 3 بحاول ارجع بدري اهوه علشان اكمل سهرتى على الجهاز ..
بعد طبعا ما بكون ضربت كام سندوتش برة على 2 ساقع

بعدها بصلي الفجر طبعا .. معقول اسمعه وماصليش .. بس بصراحة ساعات بصليه تحت في المسجد وساعات فوق وساعات في النص!

المهم بنام لما اصلي وتتكرر الكارة من الأول ...

إيه رأيك في اليوم بتاعى جامد صح؟؟

طب اسكت بقة .. وقولى هنا انت عاجبك
بصراحة لا .. بس اعمل ايه يعني

طب استفدت حاجة في نهاية الاجازة ..

توء توء

ده طبعا حال ثلاثة ارباع الشباب والبنات .. ده لو ماكنش كلهم..

12 اللى شرفونى:

sara draz يقول...

اولا بسم الله الرحمن الرحيم
السلام عليكم ورحمة الله وبركاته
انا مش عارفة اعلق واقول ايه الصراحة
للأسف زى ما قلت تلت تربع الشباب كده
بس فى ربع على الاقل بيعمل حاجة
حاجة ليها معنى بجد
لييه متكونش من الربع ده
اشغل نفسك باى حاجة
مثلا ممكن تشترك فى اى جمعية خيرية
انت واصحابك
وتتعلم حاجة مفيدة وتاخد قرصات
وكمان تحفظ قرأن
مهما كان الباقى من الاجازة مش تسيبه
يضيع منك
وتحياتى اليك
وتسلم

امل الاسلام يقول...

هما اه تلت تربع البلد كده بس فى ناس من امة محمد(صلى الله عليه وسلم)بجد
يعنى عمرهم مايرضوا يخلى حيااتهم كده
ليه الحياه مش تبقى من الفجر (الصلاة فى المسجد)
العب شويه رياضه الصبح
اقول الازكاار
اقعد على الكمبيوتر فى حاجه مفييييده
واه العب وكل حاجه
واه شاات بس مع نفس الجنس(واحد وواحد...واحده و واحده.. (اعرف ارد على ربنا لما يسألنى كنت قاعد بعمل ايه)
اما ماما ..امممممم فالمفروووض ان احنا نعمل لها كل اللى هى عاوزاه اصل هى لو كانت قادره تعمل كانت عملت
وطبعا نخصص وقت للقرأن
اما بقى الصحاب والرنات ..
طب ليه مش تقولو نروح مثلامكان حلو ونقعد نهظر ونلعب ونعمل كل اللى عاوزينه(فيما يرضى الله طبعا)بس بالنهار
اقول حاجه احسن ...اقعدوا مكان واقطعوا النور عليكو ونوروا الشمعه كأنكوا بلليل بالضبط هههههه
معلش طولت بس خليهاعليكو المرادى

"أم أدهم المصرية" يقول...

السلام عليكم ورحمه الله وبركاته
-----------------------------
الاخوات قبلى ردوا وقالوا المفيد معتقدش انه فى اكتر من اللى انت قلته واللى هما قالواه
بس المهم انه ياريت حد يسمعنا
ولانه مش كتير بيسمع فنحاول نبدء بنفسنا
يعنى مثلا لو ده حالك ابدء غير نفسك الاول
اكيد صحابك حد منهم هيتأثر
واحد او اتنين وهما هيأثروا فى غيرهم وهكذا
هنبدء ننشر الطريق الصح للكل وخليك فاكر انه الدال على الخير كفاعله
شوف كام حد هيقلدك وتاخد ثوابهم
وياعالم انت ممكن تكون مؤثر قد ايه

بوست جميل تسم عليه
فى ميزان حسناتك ان شاء الله
--------------------------------

احلام عمرنا يقول...

السلام عليكم

ههههههههههههه

يوم جامد

as you like

تقبل مرورنا

مصعب رجب يقول...

سواء كان هذا يومك أو يوم غيرك ( وإن كنت أعلم بشكل شبه مؤكد أنه ليس يومك ) فهذا يوم لا يعطي قيمة لصاحبه .

غير معرف يقول...

الله يبارك فيك جبت المفييييييييييد

:).............

فى البدايه تخيلت انه يوم حضرتك ولكن

فى نهايه البوست ظللت اضحك ....

بس انا بقى مش عندى اجازه...

انا عندى ترمين على بعض...

ثالثه اعدادى..........

ياريت اكون اتعرفت....لا تغضب:)

عرفتنى دلوقت....

روح الاسلام يقول...

أولا وقبل أى حاجة انا واثقة ان دة مش يوم حضرتك

ثانيا انت عندك حق ان فعلا تلت تربع الشباب دة يومهم عارف اية السبب بعدهم عن ربنا لأن انت لو سألت أى شاب كان بعيد عن ربنا وقرب منة هايقوللك انا قبل كدة حياتى ماكانش ليها معنى لكن دلوقتى بقت حياتى أحسن وربنا رزقنى بصحاب كويسين عرفونى يعنى اية ان حياة الانسان المسلم لازم يبقى ليها قدرها وقيمتها بالنسبة لغيرة وبالنسبة لنفسة

لكن الانسان اللى يومة بالشكل دة أكيد بعيد عن ربنا أوى لأنى متأكدة انة لو قرب من ربنا هايحس احساس مختلف بالمرة

وأحب أشكر حضرتك جدا على الموضوع دة وبجد جزاك الله خيرا

ندا منير يقول...

لا مش حال كل الشباب ولا حاجة
واعذرنى المفروض انك تملى يومك بحاجات تفيدك
لو هتقعد على النت يبقى مش شات وبس حاول اقرا
حاجات مهمة ومفيدة
قلل عدد ساعات النوم
تابع نشرات
ممكن تشارك فى جمعيات
يعى دلوقتى بقى فى وسايل كتير قوى ممكن اى شاب يشغل وقته بيها

walaa rizk يقول...

السلام عليكم

اولا انا شايفه الناس رده على حضرتك كأنك بتعرض يومك

مع ان مفهوم جدا من البوست انك بتعرض حال شباب الامه

او نقول معظمهم

انا مقتنعه ان كل واحد فينا يقدر يقسم يومه بطريقه ترضى ربنا وهو يكون حاسس انه بيستمتع

يعنى موضوع نصحى من الفجر ديه

عند بعض الناس صعبه جدا

بيصلوا ويكملوا نوم

مش معنى كده انهم غلط يعنى

كمان ممكن كل واحد يستغل يومه بطريقته
انا واثقه ان كل واحد عارف امكانيته او ممكن يحاول يكتشفها بس هو يحاول

بوست رائع جدا

حياه بلا عنوان يقول...

بصراحه بوست كويس بس الاحازه مش فصح ورحلت والحاجات دى كله بس للاسف معظم الشباب بيفكرو التفكير اللى انت عرضو فى البوست بس فى شباب عارفه ازاى تنظم يومها او اجازتها عشان يستفادو منهابوست كويس تحياتى

غير معرف يقول...

الحمد لله انا مش للدرجادى انا اولا مش بتوصل معايا للفجر وبصحى ع الظهر بلحقه الحمد لله وممكن اساعد ماما فى اى حاجه بس المفروض نحفظ قران او نشارك فى اى حاجه مفيده او حتى نقرأ
ربنا يهدى الجميع

الزهراء يقول...

الاخ الفاضل
المنشد العام
سلام الله عليكم ورحمته وبركاته

عجبتنى طريقة العرض
أحييكم عليها

وإن شاء الله فى ناس كتيـــــــــر أجازتها مكنتش كده