BLOGGER TEMPLATES AND TWITTER BACKGROUNDS »

الاثنين، ٨ أغسطس ٢٠١١

أنــــا مــش اســف يـا مـخلـوع





يا شعب ياللي ناكر جميل

ازاي تخلي الزعيم ذليل

نسيتو انه بطل السلام

من انجازاته شد الحزام

غرقكو كوسة

فقر وعنوسة

تعليم وحوسة

جهل وزحام

يا شعب قوللي ازاي تعيش

معقول ضميرك خلاص مفيش

ونسيت تاريخه والانجازات

وامن دوله وزنزانات

وخضار مسرطن

وحشيش يسلطن

ووطن يطنطن

في الاغنيات

ياشعب فين الاصل فين

فرحان بسجنه طب يرضي مين

يا شعب اصحي

هو اللي ضحي

احلام وريثه

بإيديه دبحها

والغلطه انه

بشهامة منه

مش غصب عنه

سابنا وتنحي

نسيت ده كله

ورضيت بذله

مضطر اقولها

يا شعب

1 اللى شرفونى:

محبة الرحمن يقول...

قصيده حلوة بجد

جزاكم الله خيرا

بس مش عارفه ليه حاسه ان قفلتها ممكن تكون احسن